1. سالَی 2005 ئیتفاقیه‌ك ئیمزا كراوه‌ له‌نیَوان حكومه‌تی هه‌ریَمی كوردستانو حكومه‌تی عیَراقی دا له‌سه‌ر رازی بوون و هاوكاری ئه‌وان بۆ ناردنه‌وه‌ی په‌نابه‌ران. ناوه‌رۆكى ئه‌م ریكه‌وتنه‌ به‌پیَ ئیعترافی حكومه‌تی به‌ریتانیا كه‌ له‌ كۆبوونه‌وه‌ی ڕۆژى 27-11-2006 وه‌زاره‌تی ناوخۆی به‌ریتانیا له‌گه‌لَ به‌رپرسیارانی ریَكخراوو كۆمیته‌ كوردی و عیَراقیه‌كان به‌سترا، دانیان به‌م ڕیَكه‌وتنه‌دا نا و به‌ئاشكرا به‌نویَنه‌رانى ڕیَكخراوه‌كانیان ڕاگه‌یاند كه‌حكومه‌تى به‌ریتانیا به‌بیَ ڕه‌زامه‌ندبوونى حكومه‌تى هه‌ریَم ئه‌م كاره‌ناكه‌ن. بۆ زانیارى زیاتر نۆینه‌رانی حكومه‌تی عیَراقی و حكومه‌تی هه‌ریَمی كوردستان ئاماده‌بوون له‌وانه‌ به‌ریَز شانازی ئیبراهیم ئه‌حمه‌د وعه‌لی به‌یاتی له‌سه‌فاره‌تی عیراقی وبه‌شیوه‌یه‌كى فه‌رمى ڕایاگه‌یاند ئیتفاقیانكردوه‌. (له‌مباره‌وه‌ تكایه‌ برواننه‌ به‌لَگه‌ی ڕه‌سمی نامه‌ی بلاَوكراوه‌ی وه‌زاره‌تی ناوخۆی به‌ریتانیا له‌لایه‌ن(تۆم دۆد) بروانه‌ نامه‌ی ته‌رجه‌مه‌كراو كه‌ له‌لایه‌ن ناوه‌ندی هه‌والَگری فیدراسیۆن ده‌قاو ده‌ق له‌ 22-2-2007 بلاَوكراوه‌ته‌وه‌ هه‌مان نامه‌ كۆپیه‌كی هاوپیَچه‌ به‌ زمانی ئینگلیزی).

2. ناردنه‌وه‌ی په‌نابه‌ران دوو دوو یان سیَ سیَ له‌ریَگای هیَلَی ئاسمانی مه‌له‌كی ئه‌رده‌نی له‌ عه‌مانه‌وه‌ به‌ فرۆكه‌ی ئه‌هلی دپیۆرتی فرۆكه‌خانه‌ی نیو ده‌ولَه‌تی هه‌ولیَر كراونه‌ته‌وه‌. به‌بىَ ئه‌وه‌ى كاربه‌ده‌ستان هیچ كاردانه‌وه‌یه‌كى له‌خۆی نیشاندا بیَت. هه‌روه‌ها ئه‌و تیكتانه‌ی به‌ په‌نابه‌ران دراوه‌ له‌ زیندانه‌كاندا كه‌ پیَشتر ئاگاداركراونه‌ته‌وه‌ دیپۆرتی هه‌ولیَر یان سلیَمانی ده‌كریَنه‌وه‌ وه‌ به‌رده‌وامیش پیان وتراوه‌ حكومه‌تی هه‌ریَم رازی بوه‌ وه‌رتان بگریَته‌وه‌ به‌لگه‌یه‌كى تره‌ بۆ له‌ئارادابوونى ڕیَكه‌وتنى نهینى نیَوان ئه‌وروپا و حكومه‌تى هه‌ریَم (بۆ ئه‌م مه‌به‌سته‌ بروانه‌ تیكته‌كانی په‌نابه‌رانو لیدوانه‌كانیان له‌ میدیاكان هاوپیچی ئه‌م نامه‌یه‌یه‌).

3. به‌یانی رۆژی 12-2-2007 له‌كاتیَكدا ئیَمه‌ له‌به‌رده‌م فرۆكه‌خانه‌ی سه‌ربازی برایزنۆرتن له‌شاری ئۆكسفۆرد له‌ حاله‌تی خۆپیَشانداندا بووین كه‌ ئه‌و وه‌جبه‌یه‌ی په‌نابه‌ران كه‌ پیَك هاتبوو له‌ 38 په‌نابه‌ر به‌فرۆكه‌ی سه‌ربازی دیپۆرتی كوردستان ده‌كرانه‌وه‌ من له‌ڕیَگای نۆینه‌رمان له‌شاری هه‌ولیَر به‌ به‌ریَز دكتۆر نوری عوسمان له‌ نوسینگه‌ی سكرتاریَتی سه‌رۆك وه‌زیران مان راگه‌یاند فرۆكه‌یه‌كی سه‌ربازی ئه‌مرۆ به‌ریَ ده‌كه‌ویَت له‌ فرۆكه‌خانه‌ی هه‌ولیَر ده‌نیشیَته‌وه‌ ئه‌گه‌ر به‌ڕاستی ئه‌نجومه‌نی وه‌زیران و حكومه‌ت له‌گه‌لَ ناردنه‌وه‌ی به‌زۆری په‌نابه‌ران نیین ئه‌وا ئه‌و په‌نابه‌رانه‌ وه‌رمه‌گرنه‌وه‌ له‌ وه‌لاَمدا به‌ نۆیَنه‌ری ئیَمه‌ ڕاگه‌یاندبوو كه‌ په‌یوه‌ندی به‌ ئیَمه‌وه‌ نیه‌ ئه‌وه‌ شه‌ریكه‌ی ئه‌هلی یه‌؟داوا مان لیَكرد خۆی بیَت بۆ فرۆكه‌خانه‌ی نیو ده‌ولَه‌تی هه‌ولیَر.. ئیَمه‌ كۆمه‌لَیَك ڕۆژنامه‌ نووسمان نارد یه‌كسه‌ر په‌یوه‌ندی كرابوو به‌ ئاسایشه‌وه‌ نۆینه‌ری ئیَمه‌و ڕۆژنامه‌ نووسه‌كانیان ده‌ستبه‌سه‌ر كردبوو و ته‌له‌فیزیوونه‌كانی فرۆكه‌خانه‌یان كوژاندبووه‌ و فرۆكه‌كه‌ له‌ مه‌خزه‌نی فرۆكه‌خانه‌ نیشتبووه‌ وه‌كۆسته‌ریان هیَنا بوو هاوكات هیَزه‌كانی تایبه‌ت له‌ فرۆكه‌خانه‌ی نیو ده‌ولَه‌تی هه‌ولیَر ئاماده‌بوون تا ئه‌م ڕاستیه‌یان له‌پیَش چاو هه‌موو لایه‌ك بشارنه‌وه‌.

4. به‌ به‌لَگه‌و له‌ ڕیَگای پاریزه‌ره‌كانی ئه‌و په‌نابه‌رانه‌ی كارمان بۆ كردون له‌ مه‌ترسی دیپۆرت رزگاریان بكه‌ین ئاگادار كراوینه‌ته‌وه‌ په‌نابه‌ران پیَش ناردنه‌وه‌یان به‌لیست ناوه‌كانیان ئاڕاسته‌ی حكومه‌تی هه‌ریَم كراوه‌ ئه‌وانیش موافقه‌تیانكردوه‌ وه‌ریان بگرنه‌وه‌.

5. هیَلَی ئاسمانی زاگرۆز كه‌ هی پارتی دیمكراتی كوردستانه‌ به‌رده‌وام له‌ شاری فرانكفۆرت تیكتی فرۆشتوه‌ به‌ حكومه‌تی ئه‌لَمانیا بۆ ناردنه‌وه‌ی ئه‌و په‌نابه‌رانه‌ی كه‌ ره‌فزكراون وه‌یان وه‌لاَمی موقه‌تیان پیَدراوه‌و لیان سه‌ندراوه‌ته‌وه‌ بۆ زانیاری زیاتر بڕوانه‌ به‌لَگه‌ نامه‌ی ریَكخراوی (Caravan for the Rights of Refugees and Migrants / Munich) كه‌مپینی ریَكخراوی ناوبراو و خۆپیشاندانیان له‌به‌رده‌م شه‌ریكه‌ی زاگرۆس له‌ شاری فرانكفۆرتی ئه‌لَه‌مانیا ساز كردوه‌ وه‌هه‌روه‌ها هه‌والَی ناوه‌ندی هه‌والَگری كه‌ له‌ 12-8-2007 بلاَوكراوه‌ته‌وه‌ ...هاوپیَچه‌ به‌لَگه‌كان.

6. ڕۆژی 14-5-2009 سه‌رجه‌م ده‌زگاكانی راگه‌یاندن ریَكه‌وتنامه‌ی نیوان وه‌زیری خاریجی عیَراق (ووشیار زیباری) وسه‌فیری حكومه‌تی دانیمارك له‌عیَراق (بۆریك ویبه‌ر) یان بلاَوركرده‌وه‌ سه‌باره‌ت به‌ ناردنه‌وه‌ی 282 په‌نابه‌ری عیَراقی كه‌ زۆربه‌یان كوردن وخیزانو مندالیَان هه‌یه‌ و ژماره‌یه‌كیان به‌زۆر دیپۆرتی به‌غدا كرانه‌وه‌ له‌ویشه‌وه‌ به‌فرۆكه‌ی تایبه‌ت دیپۆرتی فرۆكه‌خانه‌ی نیو ده‌ولَه‌تی هه‌ولیَر كرانه‌وه‌ له‌ویش بیَ ده‌ربرینی ناڕه‌زایه‌تی وه‌رگیرانه‌وه‌ ..به‌لَگه‌ی ئه‌و ریَكه‌تنه‌ بروانه‌ ته‌نها یه‌كیَك له‌و سایتانه‌(

 http://www.reliefweb.int/rw/rwb.nsf/db900sid/SNAA-7S25JA?OpenDocument  وه‌ هه‌وه‌ها به‌لَگه‌ نامه‌ی 18 به‌ندی ڕیَكه‌وتننامه‌كه‌ به‌زمانی عه‌ره‌بی بلاَوكراوه‌ته‌وه‌ و هاوپیچه‌ی ئه‌م نامه‌یه‌یه‌.

هه‌روه‌ها به‌ریَز Birger Riis سه‌فیری دانیمارك له‌ به‌ریتانیا له‌ وه‌لاَمی نامه‌یه‌كی فیدراسیۆندا سه‌باره‌ت به‌نیگه‌رانی له‌ ناردنه‌وه‌ی به‌زۆری په‌نابه‌رانی عیَراقیدا له‌ ناوه‌رۆكی نامه‌كه‌یدا هاتووه‌"ئه‌و په‌نابه‌رانه‌ی به‌ خۆبه‌خش نه‌گه‌رینه‌وه‌ ناچارین به‌ پیَ ئیتیفاقیه‌كی تازه‌ كه‌ له‌نیَوان حكومه‌تی عیَراقی و حكومه‌تی دانیماركدا هاتووه‌ به‌زۆر ده‌یانگیَرینه‌وه‌.

　

7. له‌ شوباتی 2008 ڕیَكه‌وتننامه‌ی نیَوان نۆینه‌ری حكومه‌تی مودراتی سویدی له‌ به‌غداو وه‌ ووشیار زیباری وه‌زیری خاریجی حكومه‌تی عیراقی ئیمزاكراوه‌ سه‌باره‌ت به‌ وه‌رگرتنه‌وه‌ی ئه‌و په‌نابه‌رانه‌ی داوای په‌نابه‌رییان ڕه‌تكراوه‌ته‌وه‌ وه‌یان ئیقامه‌ی كاتیان هه‌یه‌ به‌هۆیه‌وه‌ 1400 په‌نابه‌ری كوردی عیَراقی دوای 7 سالَ یان 8 سالَ ژیانكردنیان له‌ سوید وه‌ هه‌موویان به‌ بریاریَك ئیقامه‌ی كاتیان پیَدرا دوای ئه‌و ریَكه‌وتنامه‌یه‌ ئیقامه‌ی كاتی بۆیان تازه‌نه‌كرایه‌وه‌ گرتنو راونانو دیپۆرتیان بۆ به‌غدا ده‌ستیپیَكرد له‌ویَشه‌وه‌ بۆ فرۆكه‌خانه‌ی نیو ده‌ولَه‌تی هه‌ولیَر كه‌ زۆربه‌ی ئه‌وانه‌ی نیَراونه‌ته‌وه‌ كورد بوون.ده‌قی ئه‌م ڕیَكه‌وتنه‌ به‌ ئاشكرا له‌ میدیاكان بلاَو بۆته‌وه‌ ته‌واوی سه‌رچاوه‌ی ریَكخراوه‌كان بلاَویانكردۆته‌وه‌ زیاتر له‌مانه‌ش ئه‌و ئیختیاراتانه‌ی خراوه‌ته‌ به‌رده‌ست په‌نابه‌رانیَك كه‌ ده‌گه‌ریَنه‌وه‌ له‌سه‌ر سایتی بالَویزخانه‌ی عیَراقی له‌ ستۆكهۆلَم بلاَوبۆته‌وه‌.هاوپیَچه‌ به‌لَگه‌كان....

8. له‌ 14-5-2009 هه‌مان ڕیَكه‌وتنامه‌ له‌نیَوان حكومه‌تی عیَراقی و حكومه‌تی نه‌رویجی ئیمزاكراوه‌ به‌هۆیه‌وه‌ ژماره‌یه‌كی زۆر په‌نابه‌ر دیپۆرتكراوه‌ته‌وه‌، له‌و ولاَته‌وه‌ له‌ریَگای ستۆكهۆلَمه‌وه‌ . په‌نابه‌ران شاهیدی ئه‌وه‌ن كه‌ نۆینه‌ری حكومه‌تی هه‌ریَم له‌ فرۆكه‌خانه‌ی سوید ئاماده‌بوو بۆ وه‌رگرتنی لیستی په‌نابه‌ره‌ نیَراوه‌كان به‌لَگه‌كانمان پیَشتر بلاَوكردۆته‌وه‌ ریَكخراوی په‌نابه‌رانی كوردی عیراقی له‌ نه‌رویج راستیه‌كانی ئه‌و ریَكه‌وتننامه‌یه‌ی پشت ڕاستكردۆته‌وه‌.

9. سایتی ده‌نگو باس له‌ چاوپیَكه‌وتنی له‌گه‌لَ تانیا ته‌لعه‌ت گلی ئه‌ندامی لیجنه‌ی په‌یوه‌ندیه‌كانی ده‌ره‌وه‌ ئه‌وه‌ی راِگه‌یاندوه‌ كۆمه‌لَیَك پرۆتۆكۆل ئیمزاكراوه‌ له‌ پیَناو خۆشبوون له‌ قه‌رزه‌كانی عیَراق. په‌نابه‌ران وه‌ربگرنه‌وه‌ به‌لَگه‌ ئه‌و چاو پیَكه‌وتنه‌ هاوپیَچی ئه‌م نامه‌یه‌یه‌.

10. به‌رده‌وام پیَش گه‌یشتنه‌وه‌ی ئه‌و فرۆكانه‌ی په‌نابه‌ری به‌زۆر نیَراوه‌یان پیَیه‌ له‌ هه‌ریَمی كوردستان، پیَش وه‌خت هیزی تایبه‌ت ئاماده‌كراوه‌ له‌ فرۆكه‌خانه‌ی نیو ده‌ولَه‌تی هه‌ولیَرو سلیَمانی به‌ جلو به‌رگی تایبه‌تو چه‌كی تایبه‌ت و دواتریش ئه‌و په‌نابه‌رانه‌ی ناڕه‌زایىه‌تیان ده‌ربڕیبیَت یان دانه‌به‌زی بووبن له‌ فرۆكه‌كه‌ ئه‌وا به‌زه‌برو له‌ژیَر هه‌ره‌شه‌دا په‌نابه‌ران شه‌قكاری و لیدراون به‌زۆر دابه‌زینراون (كه‌ ئه‌مه‌ ئیتر به‌لَگه‌ی ناویت ته‌واوی مدیاكانی كوردستان له‌زمانی په‌نابه‌ره‌ به‌زۆر نیَراوه‌كانه‌وه‌ ئه‌وه‌یان راپۆرتكردوه‌).

11. كردنه‌وه‌ی نوسینگه‌ی ریَكخراوی(IOM) كه‌ ڕیَكخراویَكی جیهانیه‌ بۆ ناردنه‌وه‌ی په‌نابه‌ران له‌و ریَگایه‌وه‌ له‌ هه‌ولیَرو سلیَمانی نوسینگه‌ی هه‌یه‌ به‌ به‌رده‌وامی مافی ئه‌و په‌نابه‌ره‌ نه‌دراوه‌ كه‌بریار بوو بڕیَك پاره‌ بدریَته‌ ئه‌و په‌نابه‌رانه‌ له‌پیَناو دامه‌زراندنه‌وه‌ی ژیانیان له‌كوردستان به‌لاَم ئه‌و مافه‌ نه‌دراوه‌ به‌زۆریان .(ناوی ئه‌و په‌نابه‌رانه‌ هاوپیَچه‌ له‌گه‌لَ ئه‌م نامه‌یه‌).

12. په‌نابه‌رانیَكی به‌زۆر نیَراوه‌ كاتیَك ناوی نه‌بووبیَت له‌ فرۆكه‌خانه‌ی نیو ده‌ولَه‌تی هه‌ولیَر به‌هه‌مان فرۆكه‌ له‌گه‌لَ پاسه‌وانه‌كانی به‌ریتانیاوه‌ نیَراونه‌ته‌وه‌ به‌ریتانیا (چه‌ند حاله‌تی وا له‌ فرۆكه‌خانه‌ی نیو ده‌ولَه‌تی هه‌ولیَر روویداوه‌ پیَشتر ئیَمه‌ ناوی ئه‌و په‌نابه‌رانه‌مان له‌ ریگای ناوه‌ندی هه‌والَگریه‌وه‌ بلاَوكردۆته‌وه‌.

13. سالَی 2006ریَكخراوی ئیَمه‌ ویستی یه‌كیَك له‌و په‌نابه‌رانه‌ی كه‌ له‌ وه‌جبه‌ی 15 په‌نابه‌ر به‌ فرۆكه‌ی سه‌ربازی نیَرابووه‌ بۆ كوردستان به‌ هه‌لَه‌، وه‌زاره‌تی ناوخۆی به‌ریتانیامان ناچار كرد كه‌ بهینیَته‌وه‌ به‌لاَم به‌داخه‌وه‌ حكومه‌تی هه‌ریَم ته‌واوی زانیاری له‌سه‌ر ئه‌و هاولاَتیه‌ به‌ وه‌زاره‌تی ناوخۆ دابوو و ریَگه‌گری كردبوو له‌ هیَنانه‌وه‌ی ئه‌و په‌نابه‌ره‌. كه‌ ئیَمه‌ ویَنه‌ی به‌لَگه‌كانمان له‌ریَگای پاریزه‌ریَكه‌وه‌ پیَگه‌یشت .

له‌مانه‌ش زیاتر وه‌رگرتنه‌وه‌ی په‌نابه‌ره‌ به‌زۆر نیَراوه‌كان له‌ هه‌ردوو فرۆكه‌خانه‌ی نیو ده‌ولَه‌تی هه‌ولیَرو و سلیَمانی بیَ له‌خۆ نیشاندانی بچوكترین ناره‌زایه‌تی له‌لایه‌ن حكومه‌تی هه‌ریَمی كوردستانه‌وه‌. به‌ پیَچه‌وانه‌وه‌ به‌رده‌وام هاوكاری ئه‌م سیاسه‌ته‌ چه‌وه‌ته‌كراوه‌ دوایین ناردنه‌وه‌ی په‌نابه‌ران بۆ كوردستان له‌ 28-3-2010 له‌ كاتیَكدا كه‌ وه‌فدی په‌رله‌مانی كوردستان به‌ سه‌ردانیَك گه‌یشتبوونه‌ به‌ریتانیا له‌گه‌لَ لایه‌نه‌ په‌یوه‌ندیداره‌كاندا له‌ كۆبوونه‌وه‌دا بوون.